|
|
|
 Re: رحلتي مع مرض السرطان تفاؤل وحب وسخريه (Re: أبوبكر عباس)
|
Quote: شيخ هجو،
يصعب الإلمام بتفاصيل معاناة الأصدقاء الاسفيريين للوقوف المعنوي معهم.
بالله، أعفي لينا تقصيرنا في تفقدك وموازرتك.
أنا في غاية السعادة بسماعي قهرك لهذا المارد المدعو السرطان وعودتك الميمونة إلينا
|
الاخ الحبيب أبوبكر
ياخي لوم لوم شنو والله جيتك دي هسع بالدنيا ...وتقصير مافي وانا سعيد بي طلتك وربنا ينعم عليك دوما بوافر الصحه
| |
 
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: اخلاص عبدالرحمن المشرف)
|
Quote:
دروب الحياة توديك لأماكن وتعريفك بناس
قصص ح تكون لافتة وطرائف
اتمني البسمات كانت وافرة
الحياة مدرسة
كن بخير
واستمر جميل |
بت المشرف سلامات وتحايا والحياه مدرسه واجمل مافيها ان حصصها قصيره ...ولنا أن نتأمل في هذا الزمن القصير والبسمه محل الألم ولا صرخه ولا اهه تعيق ساعات الحصص
دمتي بخير
كوني بخير وربنا
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Dr. Ahmed Amin)
|
Quote:
يا سلاااام حبيبنا هجـــو .. والله افتقدناك طويلاز
الف الف حمدا لله على سلامة الشفاء وما تشوف شر يا رب .
|
دكتور احمد امين يا حبيبي ما تفقد عزيز ي رب والله يسلمك وعمر الشقي بقي وعن فترة الغياب بحكي
يديك العافيه وشكرا كتير كتير علي المرور الجميل
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: محمد المسلمي)
|
Quote: الاستاذ الاخ هجو مختار سلامات وحمدلله علي سلامتك ونسال الله لك السلامة
والحفظ في الصحة والاهل وان يغطي عليك من كل سوء .ياشافي ياشافي |
الاخ محمد المسلمي
الله يسلمك وما تشوف شر ي رب ويديك الصحه والعافيه
والف شكر علي مرورك الجميل
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: هجو الأقرع)
|
Quote: لله الف سلامة اخى ( و السمى) الف حمد لله على السلامة
واجر و عافية ، ربنا يواليك بالصحة و العافية ، فعلا تجرية
جديرة بان تحكى و توثق. |
ي سمي وسمير الروح الله يسلمك وينعم عليك بوافر الصحه
ساحكي كل التجربه من الألف إلي ما بعد الياء
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: سفيان بشير نابرى)
|
في بدايه العام 2017 كنت مفعم بالحيوية والنشاط وامارس حياتي بشكل طبيعي ..قررت أنا المداوم علي الكحول والتدخين والتمباك وان اتخلص منهم جميعا في يناير من نفس العام تخلصت من والتمباك تماما بعد جهد ومثابرة ومقاومة للنفس الخرمانه للتمباك ولكن تغلبت عليها بكل عزيمه واصرار كأنني داخل علي معركه حياه او موت ...ولكن كان التدخين بشراهه هو البديل كمن بدل احمد بي حاج احمد ..وفي الربع الأول من العام كان القرار الأخطر في حياتي وهو الإقلاع عن الكحول بعد معاقره دامت سنين طويله كدت أن احتفل معها باليوبيل الفضي او احتمال أكثر قليلا...فقد كنت اقول لندمائي في الخمر اني يجب أن أتوقف عن الخمر بارادتي دون أن يوقفني الطبيب لأنني لو توقفت بارادتي سارجع لصديقتي الخمره يوما ما ..ولكن إذا اوقفني الطبيب لن أعود اليها...... نواصل
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: بكرى ابوبكر)
|
Quote: الجميل هجو مختار
سعدت بطلتك البهية و مشتاقين و كيف احوال الشباب بجوبا سلامى لهم كلهم و خاصة عبد الباقى و جمعة
انشاء رحلتك مع هذا المرض اللعين تزول و تصبح ذكرى
اتمنى لك الصحة و العافية |
العزيز الباش مهندس بكري الله يسعد ايامك ويملاك صحه وعافيه وكل الشباب في جوبا بخير والاشواق كميات والله
ولي الشرف ان احكي تجربتي مع السرطان في هذا المنبر العامر
الف شكر وتحيات مباركه ولي شرف طلتك البهيه في البوست
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: سفيان بشير نابرى)
|
Quote: يا هجو يا ابن الاكارم و الله انا مقصر و متلوم فيك لو فات الحد و المصيبة إني عرفته بمرضك متأخر.
تجدني رغم تقصير فرحان أشد الفرح بأنك ظهرت و تعافيت.
ياخ لو سمحته اجدع تلفونك بي جوة |
سفيان صديقي الجميل من زماااان ياخي مافي تقصير مع الشلهته والمنافي
وربنا ينعم عليك بالصحه ...ونتلاقي قريب...وتلفوني في الماسنجر تلقاهو
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Haju Muktar)
|
الأخ الفاضل/ هجو
الف حمدا الله علي السلامة وأجر وعافية إن شاء الله وكل عام وأنتم بخير
الأخ الكريم/ باشمهندس بكري
بعد السلام والتحية تجربة هجو مع هذا المرض اللعين وهزيمته لهذ المرض
درس وعظة وعبرة فنرجو منك التكرم برفع هذا البوست في الأعلى
وما تشوفو شر ...... نجيكم في السمح
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: جمال ود القوز)
|
نواصل ......
نعم توقفت عن الكحول تماما
وبعد أيام قليله استطعت أن اقلع عن التدخين وبدأت أفكر جديا في ممارسه الرياضه ايا كان نوعها...ولكن فجاءه دون مقدمات داهمتني كحه وأصبحت ملازما ني ليل نهار وسافرت الي يوغندا الي مقابله الطبيب فأعطاني علاجات كنت اظنها كانت شافيه ورجعت لمزاولة عملي بكل نشاط ولكن السعال عاد أكثر شراسه فنصحني أصدقائي الجميلين بالكثير المثير من العلاجات البلديه كزيت الزيتون وصفق الخروع وشراب الليمون و.البكري وما ادراكما العلاجات البلديه التي لم تجدي نفعا ونصحني صديق بالذهاب الي طبيب في جوبا وكانت المفاجاءه بعد أن ذهبت اليه وكشف علي الصدر وجده سليما والجهاز التنفسي وكل شي يعمل بطاقته القصوي فقال لي الطبيب دعني اكشف علي بطنك وتلمسها بيده وقال لي بالحرف الواحد ...ان هناك ورم في البطن وغالبا في الطوحال واتمني يكون الطوحال متورم ولا اريد ان أسبق الحوادث...اذهب واعمل لي موجات صوتيه....... ونواصل
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: محمد محمد قاضي)
|
Quote: الأخ الفاضل/ هجو
الف حمدا الله علي السلامة وأجر وعافية إن شاء الله وكل عام وأنتم بخير
الأخ الكريم/ باشمهندس بكري
بعد السلام والتحية تجربة هجو مع هذا المرض اللعين وهزيمته لهذ المرض
درس وعظة وعبرة فنرجو منك التكرم برفع هذا البوست في الأعلى
وما تشوفو شر ...... نجيكم في السمح |
تسلم كتير الاخ العزيز محمد محمد قاضي وما تشوف شر ي رب ....سأحكي تجربتي كما حصلت وسانقلها بي تفاصيلها
من بخير ووافر الصحه
| |
|
|
|
|
|
|
|
|
 Re: رحلتي مع مرض السرطان تفاؤل وحب وسخريه (Re: جلالدونا)
|
Quote: بعد غيبه طويله من المنبر مابين إحباط وتفاؤل ومرض السرطان كان حب الحياه وحب الناس مصدر صمودي وعزيمتي كم من دعوات وصلوات في الجوامع والكنائس من أصدقاء و احباب واخوه حباني الله بهم فكان الشفاء بفضل الله سبحانه وتعالي ودعواتهم.....سأحكي عن تجربتي مع السرطان بحب وسخريه فالطرائف والمواقف المؤلمه تحولت الي طاقات ايجابيه..... مما ساعدت في سرعة استجابتي للعلاج والشفاء بحمدلله
تحياتي واشواقي الي زملاء المنبر والزوار الكرام
عن تجربتي سوف احكي
|
الحبيب هجو مختار المحترم
العائد وفي مفرقه تاج الصحة من بين براثن السرطان اللعين
حمدًا لله على سلامتكم وطهور طهور إن شاء الله
جعل الله صبركم الأيوبي في ميزان حسناتكم
يؤسفني أن لم اسمع بمرضكم لأشاطركم الألم بالدعاء ويسعدني شفاؤكم البرء بإذن الله
احكي أخـــي،،،
هذه تجربة عائد بعد أن ذهب إلى الآخرة رويدًا رويدًا
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: ترهاقا)
|
نواصل
طلعت من الطبيب ما بين مصدق ومكذب وتذكرت خالي توفي بورم في الطوحال فقلت ابشر ي ولد ي هجو ....الولد خال ...و هكذا قلت لرفيقي الذي كان يلازمني في مشاويري الي الطبيب...دخلنا مركز طبي للموجات الصوتيه فجاءه وجدت نفسي في مركز نون النسوه حيث جميع النساء يمتازن ببطون كبيره فتحسست بطني فقلت ديل كلهم طوحال ي ربي ..ولا أنا أكون في الشهر الرابع فضحكت بيني وبين نفسي وقلت شر البلية ما يكبر الكرش..... نعم دخلت غرفه الموجات الصوتيه وبعد الفحص سألت الفني عن الحاصل قال لي في ورم في الطوحال لكن ما بقدر اعرف نوعه ارجع للدكتور ...رجعت للطبيب في سرعه البرق فقد كانت ساعه انتهاء عمله علي وشك ...فعلا وجدته امام باب المجمع الطبي فرجع معي الي غرفته وفتح ظرف الموجات الصوتيه وقال لي فعلا في ورم بين الطوحال والمعده...انت ليه عملت الموجات في المركز ده الصوره ما واضحه...امشي المركز الفلاني في شارع كذا...عندهم اجهزه جديده ومتطوره وتعال لي يوم الاتنين لانه كان يوم جمعه هذا الكلام ...وحاشين علي اجازة نهايه الاسبوع ...كانت اجازه طويله مابين الكحه الهواجس ونظرات الناس الي الكحه باعتبار انها ممكن تكون تي بي او ممكن تتحول الي اي شي لزمت غرفتي وما طلعت منها وأصبحت اشغل نفسي بالقراءة و تحديدا القراءه عن أمراض السرطان ...الود عامل مثقف قال يهيى نفسه لأي حاجه ما معروف الظروف.... وفي صباح الاثنين توجهت الي المركز المحدد لعمل الموجات الصوتيه وكانت المفاجاءه........نواصل
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Haju Muktar)
|
كويس إنك بقيت كويس يا هجو..
كويس إننا بنقرأ ليك من جديد في المنبر
جيد جدا و شيء مفرح أنك لا تزال معنا في هذه الدنيا
نتقاسم أتراحها وخيباتها وأفراحها النص نص
ونأمل بأضواء باهرة في نهاية النفق سواء لنا أو لأجيالنا القادمة
مشتاق أنا وسعيد بشوفتك يا حبيب
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: معاوية الزبير)
|
العزيز هجو
ألف حمد لله على السلامة .. ياخى والله طلتك هنا حدث مفرح جدا وخاصة جات معاها الأخبار الطيبة بالشفاء.
لو مت صديقنا وسيلة عشان ما كلمنى بى مرورك بى نواحينا لكن قال لى كنت مشغول جدا مع أعباء أضافية من جهة العمل .
ألف حمد لله على السلامة وسعيد جدا بى طلتك هنا .. أكيد نتواصل ومتابع البوست
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Ahmed Tuhami)
|
الاخ الاستاذ هجو حمدا لله على سلامتك وان شاء اللله اجر وعافية وطهور يا رب ونسال الله ان يديم عليك نعمة الصحة والعافية وان يمن عليك بالشفاء التام
وسامحنا على التقصير والله ام اعرف بمحنتك التي كنت تمر بها الا من حديثك في هذا البوست والذي احييك فيه على شجاعتك وسرد تجربتك هنا لكي يستفيد منها الناس وهذا شي عظيم ..
تمنياتي لك بوافر الصحة والعافية ... ودم بخير اخي الجميل ..
تحياتي : ياسر العيلفون ....
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Nasser Amin)
|
هجو ( قاهر السرطان ) .. وشركاه
اولا حمدالله على السلامة واجر وعافية ان شاءالله تعالى
-----
عموما في بوستات مهمة زي دي الواحد ما بتتداخل حتى لانقطع (نواصل) ومتابعتك للتجربة الممكن تفيد كثير من الناس
انت (واصل) في حكى تجربتك النادرة دي وخلي الردود دي في الاخر
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: الطيب عباس)
|
سلامتك أخونا هجو. ربنا يديم عليك العافية.
فوق إنها قصة ملهمة، انت انسان موفق من رب العالمين،
أولاً توفقت في ترك المواد السامة و الآم ترك النيكوتين قبل المرض،
ثانياً وفقك الله في قهر المرض
ثالثاً توفقت في تنبيه الناس لخطورة المواد هذه بشجاعة و رضا ، ما شاءالله.
واصل بدون ردود.
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Osman Musa)
|
نواصل
كان مرافقي بن اختي ماهر قلق جدا ومتوتر وكنت ادعي البرود والشجاعة تحسبا لاي نتيجه ..وصلنا المستشفي المحدد وبحثنا في اللافتات عن غرفة الموجات الصوتيه في عدد من النساء من بعيد واقفات امام احدي الغرف قلت لمرافقي ديك غرفه الموجات الصوتيه ما عايزه لافته ماشايف الجماهير كلها من الجنس اللطيف ...ومشينا بخطي واثقه جدا
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Haju Muktar)
|
نواصل
.طلعت غرفه طبيب النساء والتوليد...قلت ليهو ما مشينا بعيد كل ورم وبطن منفوخه وضحكنا...سالت واحده من الممرضات عن غرفه الموجات الصوتيه اشرت لينا علي غرفه مغلقه وقدام الباب كميه من الحشائش كانما ليها شهور مافي زول فتحه..وقالت والله الفني بتاع الموجات الصوتيه عندو ولد ه مفقود ليهو شهرين شال المفتاح معاهو ومشي يفتش ولدو...طيب ما في زول غيرو قلت ليها..والله هو الوحيد البشتغل هنا ومما مشي مافي زول فتح الغرفه دي ...ا
نواصل
| |
|
|
|
|
|
|
|
|
|
Re: رحلتي مع مرض السرطان تفاؤل وحب وسخريه (Re: Haju Muktar)
|
...اقترح علي بن اختي ماهر نمشي مركز تاني ..انا رفضت وقلت ليهو نرجع للدكتور ونكلمو وهو يحدد المركز الممكن نمشي ليهو..لانو ممكن نمشي اي مركز وبعداك هو تاني يقول لا ما واضحه فمن الأفضل نرجع ليهو...فعلا رجعنا للدكتور لقينا البت بتاعت الكاونتر كلمناها باننا عايزين نقابل الطبيب لانو قال اعملو موجات في المحل الفلاني ولقيناهو مقفل عايزين نشوف لو حدد لينا محل تاني...البنت قالت كييييف تمشوا تعملوها هناك مفروض تعملوها عندنا هنا في المركز قلت ليها لكن الدكتور هو الحدد لينا ما نحن ..قالت لا تعملوها عندنا هنا ...قلت لكن لو هو عايزنا نعمله هنا كان قال لينا..انت امشي كلميهو او خلينا نخش نكلمو نحن ..قالت لا تعملوها هنا وما تخشوا للدكتور ولو عايزين تخشوا احجزو تزكره جديده وتجو بكره لانو قدامكم اكتر من عشرين حاله ...قلت ليها جدا ممكن نحجز لي بكره لكن انت كلميهو عشان لو قال اعملو الموجات الصوتيه هنا نعمله وبكره نخش جاهزين ولو قال في محل تاني برضو نعمله ...رفضت قالت لا تعملوها هنا وتقابلوهو بكره ..قلت ليها انت بتعرفي اكتر من الدكتور ما هو لو عايزنا نعمله هنا كان من الاول قال لينا ...قالت ي تعملوها هنا ي ما تخشوا للدكتور..
قلت ليها لا هنا ولا في اي حته ياخي مع السلامه..في اللحظه دي ماهر انفعل وعايز يعمل معاها مشكله ..قلت ليهو الموضوع ما يستاهل يلا نمشي البيت نشيل جوازي ونطلع نلحق طياره الساعه اربعه الماشه كمبالا ونعمل فحوصات كامله هناك ..فعلا مشيت رتبت حالي وسافرت كمبالا في طياره المساء....
نواصل
| |
|
|
|
|
|
|
| |
Haju Muktar
عبدالحفيظ ابوسن
يحي قباني
محمد البشرى الخضر
عمر أبوعاقلة
nour tawir
أبوبكر عباس
Omer Abdalla Omer
Deng
احمد حمودى
محمد المسلمي
محمد عبد الله الحسين
علاء سيداحمد
هجو الأقرع
سفيان بشير نابرى
عبدالعظيم عثمان
النذير حجازي
بكرى ابوبكر
Munir
Mahjob Abdalla
عبدالمنعم الطيب حسن
Mohamed Adam
Frankly
مني عمسيب
علي دفع الله
محمد محمد قاضي
عادل الباهي عبدالرازق
ابو جهينة
جمال ود القوز
الصادق اسماعيل
elhilayla
ABUHUSSEIN
سيف النصر محي الدين
Ali Abdalla
Hafiz Bashir
مجدي عبدالرحيم فضل
Biraima M Adam
جلالدونا
آدم صيام
Gaafar Ismail
ترهاقا
معاوية الزبير
عباس محمود
عمر التاج
علي محمد الفكي
بهاء بكري
Ahmed Tuhami
ياسر السر
Nasser Amin
Ahmed Yassin
الحاج حمد الحاج
بلدى يا حبوب
الطيب عباس
نعمات عماد
عمر مصطفى مضوي
محمد أبوزيد
Osman Musa
حمد عبد الغفار عمر
فيس بوك
تويتر
انستقرام
يوتيوب
بنتيريست