Mila pertsona hil dira Mediterraneoan azken lau hilabeteetan
Mundu osoko migrazio bideetan 1.668 pertsona hil edo desagertu dira 2017an, Missing Migrants Projectek jasotako datuen arabera. Horietatik, 1.096 Mediterraneo itsasoan hil dira.
Migrazioen Nazioarteko Erakundearen (OIM) datuen arabera osatu dute Missing Migrants Project ekimena. Migrazio bideetan hildako eta desagertutako pertsonen datuak aztertuta, ondorio argi bat atera dute: Europa da emigranteentzako helmugarik arriskutsuena.
Aurten 1.668 pertsona hil dira migrazio bideetan, horien %65,7 Mediterraneoan. Hildakoen jatorria ezagutzea ez da erreza, baina jakin ahal izan denen artean, gehienak Saharaz Hegoaldeko Afrikatik eta Afrikako Adarretik zetozen (%28,4, orotara).
Azken urteetan kopuruak gora egin du. 2016an 7.872 pertsona hil edo desagertu ziren, 5.098 Mediterraneoan (%64,8). 2015ean 6.259 zenbatu zituzten, eta 2014an, berriz, 5.281. Migrazioen Nazioarteko Erakundeak konpromisoa eskatu die mundu osoko gobernuei, “krimenen epidemia” honi amaiera emateko. “Hildako kopurua zenbatu baino, zerbait gehiago egiteko ordua heldu da”, aldarrikatu du.
Ikerketaren datuak Missing Migrant Project-en webgunean daude ikusgai. Proiektua 2013an jarri zuten martxan, naufragio batean 400 pertsona baino gehiago hil zirenean, Lanpedusako irlan.
Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.