Engiadina - «Jau hai il sentiment che mes bab saja en mai»
Uschia sa regorda Nicole Kündig-Torriani, la figlia da Vico Torriani. Era sch'ella ha gì in'uffanza inquieta, la relaziun cun ses bab era fitg stretga. Els han partì ils hobis, il viandar, l'ir cun skis, il chantar sco er il cuschinar ensemen.
18 onns èn passads dapi la mort dal superstar Vico Torriani e sia figlia sa regorda ch'els hajan gì pauc sfera privata. Quai na saja betg adina stà simpel.
Nicole Kündig-Torriani (63)
Avrir la boxSerrar la box
Naschida a Minca è ella creschida si a Basilea. Pli tard ha ella fatg l'institut a Ftan.
Uss ha ella ina residenza da fin d'emna a Silvaplana, viva però a Küssnacht.
Da l'autra vart ha ella da mattascha uschia savì esser da la partida ad emprovas e concerts da ses bab sco er davos las culissas tar la televisiun. Ubain ch'ella è restada a chasa tar il tat e la tatta durant che ses geniturs eran da viadi.
Jau sun cuntenta da betg esser in star.
audio
La figlia da Vico Torriani 1
04:10 min, ord Actualitad dals 22.02.2016.
laschar ir. Durada: 4 minutas 10 Secundas.
audio
La figlia da Vico Torriani 2
03:33 min, ord Actualitad dals 22.02.2016.
laschar ir. Durada: 3 minutas 33 Secundas.
Livestream tar RTR
Avrir la boxSerrar la box
Legenda:
MAD/RTR
Da la premiera dal musical «Hotel Victoria» dals 24 da favrer a San Murezzan (20:00) fa Radiotelevisiun Svizra Rumantscha in livestream. Quest pudais guardar cumadaivel a chasa:
Nicole Kündig-Torriani tegna ses bab en memoria sco persuna simpla e modesta mirvegliusa e sco persuna eleganta. A ses bab saja stà impurtant dad esser cultivà e dad avair ina buna preschientscha.
Ella è loscha da tut quai che ses bab ha cuntanschì ed ha grond plaschair dal musical. Quel vegnia ad esser in omagi en il senn da Vico Torriani.
