O Teatro Principal acolle a proxección de Petitet. El rumbero que prometió lo imposible, un documental do cineasta e xornalista Carles Bosch, nomeado aos Óscar por Balseros (2003) e gañador dos premios Goya e Gaudí polo documental Bicicleta, cuchara, manzana (2010). Centrado na figura de Joan Ximénez Petitet, un xitano barcelonés que acompañou tocando os bongos a moitos dos grandes músicos da rumba, o documental narra o proceso de preparación do concerto que este músico afectado por miastenia gravis, unha enfermidade considerada rara, promove no Gran Teatro do Liceo de Barcelona co propósito de dar resposta á promesa que lle fixo a seu pai antes de morrer de devolver a rumba catalana á cima.