|
|
 نفوس لاتعرف الرحمه ... !!!
|
02:37 PM Oct, 02 2015
سودانيز اون لاين
ملهم كردفان-الإسكندريه
مكتبتى فى سودانيزاونلاين
كل سنه والجميع بخير
كلما ... بادر بعضنا بفعل الخير خارج البلد تداعى الناس يبرزون مآثر مافلعنا
الامانه فى ارجاع النقود
اخلاء الخيم
الشهامه
نكران الذات
...
يمتدحنا الآخرون فيبتهج الجميع ويرضون عن اداءهم في الخارج
بصورة مشرفه
وتدعوا للفخر
للكثير من ان لم نكن كلنا
...
وكيفن اكون لو ماكنت سودانى وهلم جرا
...
لكن عندما
يكون الاحسان بيننا
يبدأ بعضنا نهش اللحوم والنسنسه المريعه
كلما اجتمع جمع في رابطه او عمل ما يبدأ سوس الحسد والحقد والدونيه فى الظهور جليا
...
ما أبشع بعضنا حين يجهض هذا البعض قيمنا السمحه ويشتتون كل مجهود جامع للناس
ما أبشع من يتطاولون على الناس لمجرد انهم اهل خير ويحبون الناس
ويسعون حسب وجهة نظرهم في طريقهم المنشود
وكل حسب حريته الشخصيه وأهدافه المعلنه والغير معلنه
ليس هناك إنسان مجبر على إعلان كل خططه في تسيير عمل ما لكل الناس
وليس هناك من يفعل الخير أو يسعى له أو يجمع الناس فى تلاقى أسرى مطيب
لمجرد ان ينتظر وحوش الحقد والتفريق بين الناس ان تبدأ نهش الجميع بتلذذ وابتذال
...
تباً لكل من يسعى لتفرقة الناس أو اجهاض جهودهم
نعم تباً لهم لأنهم
عاجزون عن الالتحاق بتروس ماكينة الخير الابديه
التى جبل عليها السودانى الحقيقي الذى يفخر بصدق فى لحظات الصدق النبيل
بأننا أهله
احترامى
|
|
 
|
|
|
|
|
|
|
|
Re: نفوس لاتعرف الرحمه ... !!! (Re: ملهم كردفان)
|
العزيز ملهم كردفان ،،
كل عام وانت بألف خير ،، ولا عليك يا حبيب ،، قدِم الخير وأرجى اللطيف الخبير
ياخي إسمك ده براهو كفاية ، و خير وبركة ، وعالم من الحب والجمال ، حين يرمز إلى أحنّ وأجمل وأطيب بلاد خلق الله ( كرفان ) الحنونة الرحبة !
ألف تحية وشوق لشخصك الغالي
أجرك ما بضيع يا ملهم أجرك ما بضيع
سلام للجميع
| |
|
|
|
|
|
|
|
|
|
Re: نفوس لاتعرف الرحمه ... !!! (Re: مامون أحمد إبراهيم)
|
Quote: العزيز ملهم كردفان ،،
كل عام وانت بألف خير ،، ولا عليك يا حبيب ،، قدِم الخير وأرجى اللطيف الخبير
|
أخوى المحترم وصديقي العزيز أعزك الله يامأمون وكتر خيرك اكتر واكتر
...
صديقي تألمت من ان بعضنا لايتعظ بموت عضو ولامرض حبيب
فأصبحوا يمارسون السلوكيات البغيضه بسهولة ويسر كأنما يشربون الماء
وكان البوست ... والخير انتم من يعلموننا كيفية سلوك طريقه ياصديقي
Quote:
ياخي إسمك ده براهو كفاية ، و خير وبركة ، وعالم من الحب والجمال ،
حين يرمز إلى أحنّ وأجمل وأطيب بلاد خلق الله ( كرفان ) الحنونة الرحبة !
|
والله يامأمون ما أفضل من اسمك او اسم غيرك ياحبيب فكردفان هى جزء منكم والجزء يمثل الكل
وشرفنى جدا جدا انى عرفتك وبتواصل معاك والله
Quote:
ألف تحية وشوق لشخصك الغالي
أجرك ما بضيع يا ملهم أجرك ما بضيع
سلام للجميع |
يبقى قدامى مسئولية انى ما أحذلك واخت خط تحت كلمة احترام كل التقدير المستحق
وكان حيين بنتلاقى ويمكن نتكلم مع بعضنا على الأقل
لأنو المنابر دى مرات الواحد بيدخلها حى وبمرق منها ميت من غير مايلاقى الناس الفى مقامك
عظيم الشرف والله يا مأمون انو الواحد كل يوم يكسب صديق زيكم
| |
|
|
|
|
|
|
| |
ملهم كردفان
مامون أحمد إبراهيم
فيس بوك
تويتر
انستقرام
يوتيوب
بنتيريست